Նոր կայք` հակահայկական քարոզչության դեմ

Թուրք-ադրբեջանական հակահայկական քարոզչությանը դիմագրավելու համար ՀՀ նախագահի աշխատակազմի հանրային կապերի և տեղեկատվության կենտրոնի կողմից իրականացվող՝ 1987-1992թթ. Ադրբեջանում և Լեռնային Ղարաբաղում տեղի ունեցած իրադարձությունների մասին պատմող «Սովորական Ցեղասպանություն» նախագծի շրջանակներում ստեղծվել է KarabakhRecords կայքը (http://karabakhrecords.info/):

Դրա նպատակն է համակարգել «Սովորական Ցեղասպանություն» նախագծի փաստագրական բազան, որը ներառում է արխիվային փասթաթղթեր, ֆոտո- և տեսանյութեր, տուժածների և ականատեսների վկայություններ, դատական գործընթացների և քրեական գործերի նյութեր, միջազգային կազմակերպությունների և փորձագետների զեկույցներ և գնահատականներ, մամուլի հրապարակումներ. տեղեկացնում են ՀՀ Սփյուռքի նախարարությունից: