Երկաթուղին աշխատում է բնականոն ռեժիմով

Չնայած առատ ձյանը՝ «Հարավկովկասյան երկաթուղի»-ն աշխատում է բնականոն ռեժիմով: Ներկա պահին կատարվում են երկաթուղայգծերի մաքրման և անխափան երկաթուղային հաղորդակցության ապահովման համար անհրաժեշտ աշխատանքները. տեղեկացնում է ՀԿԵ հասարակայնության հետ կապերի բաժինը:

Հաշվի առնելով, որ մի շարք ավտոմայրուղիները փակ են՝ ուղևորա- և բեռնափոխադրումների զգալի մասն իրականացվելու է երկաթուղով: Մասնավորապես` էլեկտրագնացքների լրացուցիչ չվերթեր են ստեղծվել, բեռնատար գնացքներն աշխատում են համաձայն գրաֆիկի: Չվացուցակին համապատասխան աշխատում են ինչպես Երևան-Թբիլիսի-Երևան միջազգային ուղևորատար գնացքը, այնպես էլ` ներհանրապետական էլեկտրագնացքները: