Դատի են տվել "Ժողովուրդ"-ին

Հայաստանում գործող անկախ թերթերին ֆինանսապես ճնշելու հերթը հասել է «Ժողովուրդ»-ին:

Թերթը հաղորդագրություն է տարածել` տեղեկացնելով, որ Գեղարքունիքի մարզպետ Նվեր Պողոսյանը դատական հայց է ներկայացրել օրաթերթի դեմ (խմբագրությունը դեռ պաշտոնապես չի ծանուցվել այդ մասին):

Մարզպետը որոշել է այդ քայլին դիմել «Ժողովուրդ»-ի` հոկտեմբերի 7-ի համարում տպագրված «Մարզպետը կաշառք է վերցրել» հոդված համար, որում մարզի Թթուջուր գյուղի բնակիչ Աննա Թորոսյանը պնդում է, որ մարզպետն իր վարորդի միջոցով 3000 դոլար կաշառք է վերցրել` նույն գյուղի դպրոցում պատմության ուսուցչի թափուր տեղի մրցույթում մյուս թեկնածուի հաղթանակն ապահովելու համար: