Տարիների ընթացքում, չնայած բազմաթիվ մարտահրավերների, դուք մնացել եք ակտիվ և անշեղ ձեր սկզբունքներին. Շանտալ Կամբիվա

Սոցիալիստական ինտերնացիոնալ​ը շնորհավորական ուղերձ է հղել ՀՅԴ-ին 135 ամյակի առթիվ, որում ասվում է. 

«Սոցիալիստական ինտերնացիոնալի անունից Ձեզ և Հայ Յեղափոխական Դաշնակցության բոլոր անդամներին հղում եմ ՝ իմ ամենաջերմ և եղբայրական շնորհավորանքները՝ Ձեր կուսակցության 135-րդ տարեդարձի առիթով։

Ձեր կուսակցությունը ղեկավարել է Հայաստանի Առաջին Հանրապետությունը ստեղծելու ջանքերը և առաջատար դեր դեր խաղացել՝ հայկական իրավունքների առաջմղման և հայկական ինքնության պահպանման գործում։ Տարիների ընթացքում, չնայած բազմաթիվ մարտահրավերների, դուք մնացել եք ակտիվ և անշեղ ձեր սկզբունքներին։

Մենք նաև կոչ ենք անում Բաքվում պահվող 23 հայ բանտարկյալների անհապաղ ազատ արձակման, ներառյալ Դավիթ Իշխանյանին՝ Սոցիալիստական Ինտերնացիոնալի XXVI կոնգրեսի (Մադրիդ, 2022) մասնակցին, և հորդորում ենք, որ Բաքվի Ռազմական դատարանում բոլոր փաստացի փակ և քաղաքականորեն մոտիվացված դատավարությունները իրականացվեն ամբողջական թափանցիկությամբ և խիստ համապատասխան միջազգային չափանիշներին։

Այս նշանակալի հոբելյանը կանգնած է որպես ուժեղ վկայություն ձեր կուսակցության պատմական դերի, սոցիալական արդարության հանդեպ տևական նվիրվածության, ինչպես նաև ժողովրդավարության, համերաշխության և ժողովրդի իրավունքների համար պայքարի նկատմամբ ունեցած աներեր հանձնառության։

Խնդրում եմ ընդունել, սիրելի ընկեր, մեր ամենաբարձր հարգանքը և լավագույն մաղթանքները՝ առաջիկա տարիներին շարունակական ուժի, միասնության և հաջողության համար։

Համերաշխությամբ,

Շանտալ Կամբիվա

Սոցիալիստական ինտերնացիոնալի գլխավոր համակարգող»: