Միացյալ Նահանգների համար «ուղղակի uպառնալիքների» ցանկից ՌԴ-ն բացառելը դրական քայլ է. Պեսկով

Կրեմլը Թրամփի վարչակազմի կողմից ազգային անվտանգության ռազմավարության փոփոխությունը, որը Ռուսաստանին այլևս չի անվանում «ուղղակի սպառնալիք», դրական քայլ է համարում: Այս գնահատականը տվել է Ռուսաստանի նախագահի մամուլի քարտուղար Դմիտրի Պեսկովը ՏԱՍՍ-ին տված հարցազրույցում։

«Մենք սա դրական քայլ ենք համարում», – ընդգծել է նա։

Դեկտեմբերի սկզբին Միացյալ Նահանգները հրապարակել է նոյեմբերին հաստատված իր նոր Ազգային անվտանգության ռազմավարությունը: Այն, ի թիվս այլ բաների, կոչ է անում համագործակցել Մոսկվայի հետ ռազմավարական կայունության հարցում։

Փաստաթղթում նշվում է, որ ԱՄՆ ամենակարևոր շահագրգռվածությունը Ուկրաինայում ռազմական գործողությունների արագ դադարեցումն է՝ եվրոպական երկրների տնտեսությունները կայունացնելու, հակամարտության սրացումը կամ ընդլայնումը կանխելու և «Ռուսաստանի հետ հարաբերություններում ռազմավարական կայունությունը վերականգնելու» նպատակով։