ՀՀԿ-ի համար Սերժ Սարգսյանի հրաժարականի հարցը քննարկման ենթակա չէ

Այսուհետ ՀԱԿ-ը պահանջում է ոչ թե արտահերթ ընտրություններ, այլ Սերժ Սարգսյանի հրաժարական: Չնայած ՀԱԿ-ի պահանջի բուն էությունը չի փոխվել, փոխվել է ձեւակերպումը, բայց, այդուհանդերձ, իշխանությունը հրաժարվում է քննարկել հարցը:

Լրագրողների հետ հանդիպման ժամանակ  «Երկիր»-ի թղթակցին ԱԺ ՀՀԿ խմբակցության պատգամավոր Մկրտիչ Մինասյանը վստահեցրեց, որ ՀՀԿ-ի համար Սերժ Սարգսյանի հրաժարականի հարցը քննարկման ենթակա չէ, իշխանությունը ՀԱԿ-ի հետ չի պատրաստվում նման հարցի շուրջ բանակցել:

Երբ լրագրողները Մինասյանին հիշեցրին, որ ՀՀԿ-ն վստահեցնում էր, թե ցանկացած հարցի շուրջ է պատրաստ բանակցել, հանրապետական պատգամավորն արդարանալու ձեւ, իհարկե, գտավ: Սերժ Սարգսյանի հրաժարականի պահանջը նա որակեց «ֆանտազիա, սեփական ցանկություններից բխող քայլ»: