Ռուսաստանը չի հրաժարվում միջնորդական առաքելությունից

ՌԴ արտգործնախարար Սերգեյ Լավրովը մտադիր է տարբեր մակարդակներում քննարկել Ղարաբաղյան կարգավորման հարցը:

Ինչպես տեղեկացնում է «Էխո Մոսկվի» ռադիոկայանը, Ռուսաստանը չի հրաժարվում միջնորդական առաքելությունից եւ այս անգամ դիմում է ամերիկացի գործընկերների օգնությանը:

Սերգեյ Լավրովը եռօրյա այցով մեկնում է Վաշինգտոն, որտեղ մասնակցելու է մերձավորարեւելյան «քառյակի» հանդիպմանը, նաեւ հանդիպումներ է ունենալու ԱՄՆ պետքարտուղար Հիլարի Քլինթոնի եւ այլ բարձրաստիճան պաշտոնյաների հետ:

Բացի միջազգային եւ երկկողմ համագործակցությանը վերաբերող հարցերից` ՌԴ արտգործնախարարը ներկայացնելու է Ղարաբաղյան կարգավորման վերաբերյալ վերջին առաջարկները: