ԺԱՄԱՆԱԿ. ԼՂ հարցերը`ՄԱԿ-ի ԳԱ օրակարգում

Երեկ Regnum-ը, վկայակոչելով ՄԱԿ-ի պաշտոնական կայքը, գրել է, որ ՄԱԿ-ի Գլխավոր ասամբլեան Ադրբեջանին առնչվող երկու հարց է ներառել 66-րդ նստաշրջանի օրակարգում: Օրակարգային հարցերի թվում դրանք ստացել են 35-րդ և 36-րդ համարները և ունեն հետևյալ վերնագրերը` «ՎՈՒԱՄ-ի տարածքի ձգձգվող հակամարտությունները և դրանց ազդեցությունը միջազգային խաղաղության, անվտանգության ու զարգացման վրա» և «Ադրբեջանի «օկուպացված» տարածքների դրության մասին»:

Այս հարցերը վերստին ներկայացվել են կազմակերպության քննարկմանը, քանի որ դրանք 65-րդ նստաշրջանի ժամանակ չէին դրվել քվեարկության: Փաստաթղթերը պատրաստվել են ՎՈՒԱՄ-ի կողմից և առաջին անգամ ներառվել ՄԱԿ-ի ԳԱ 63-րդ նստաշրջանի օրակարգում:

ՄԱԿ-ի ԳԱ 66-րդ նստաշրջանը տեղի է ունենալու 2011թ. սեպտեմբերի 14-ին: