Սպանել է հորաքրոջը

Մայիսի 26-ի առավոտյան մեղայականով ոստիկանության Արթիկի բաժին է ներկայացել Հովտաշեն գյուղի 46-ամյա բնակիչ Դավիթ Խ.-ն և խոստովանել, որ գիշերը գնացել է նույն գյուղում միայնակ բնակվող իր հորաքրոջ` 87-ամյա Սեդա Խաչատրյանի տուն, մոտը եղած դանակով մի քանի անգամ հարվածել քնած կնոջն ու հեռացել:

Ինչպես տեղեկացնում է ՀՀ ոստիկանության պաշտոնական կայքը, դեպքի վայր մեկնած ոստիկանության ծառայողները հայտնաբերել են Ս. Խաչատրյանի դիակը` ձախ քունքի շրջանում ծակած և ջնջխված վնասվածքների հետքերով: Հանցագործության գործիք խոհանոցային դանակը` կոտրված շեղբով, առգրավվել է: Նշանակվել է դատաբժշկական փորձաքննություն:

Դավիթ Խ.-ն ձերբակալված է: Կատարվում է նախաքննություն: