Օբամայի հավանական հակառակորդը

Ամերիկացի միլիարդատեր Դոնալդ Թրամպը անսպասելիորեն գրավել է երկրորդ տեղը` Հանրապետական կուսակցության առաջնորդների վերաբերյալ հասարակական հարցման տվյալներով:

Ավելին, շրջանցելով ներկայիս լիդեր Միտ Ռոմնիին, ընտրողները Թրամպին են տվել նախապատվությունը` ԱՄՆ նախագահական ընտություններում առաջադրվելու առումով:

Երբ Թրամպին պատմել են այդ մասին, նա ծիծաղելով պատասխանել է. «Զարմանալի չէ: Չէ՞ որ ես չափազանց խելացի եմ, հաջողակ, եւ իմ գործողություններում տրամաբանություն կա: Ես կարող եմ նաեւ նախագահ լինել»:

Վաշինգտոնյան վերլուծաբանների կարծիքով` հենց Թրամպը կարող է լինել դեմոկրատ Օբամայի գլխավոր հակառակորդը նախագահական ընտրություններում: