ԵՐԿԻՐ. Ե՛վ թյուրիմացություն, ե՛ւ անտեղյակություն

Երեկ հայաստանյան որոշ լրատվամիջոցներ գրել էին, որ պաշտոնից ազատվել է ԼՂՀ արտաքին գործերի նախարարը, ինչն անհարկի աղմուկ էր բարձրացրել:

Աղմուկի պատճառը, թերեւս, սխալ պաշտոնական տեղեկատվության տարածումն էր. նախագահի աշխատակազմի տեղեկատվության գլխավոր վարչության` ժամը 11:37-ին տարածած հաղորդագրության մեջ նշված էր, որ նախագահի հրամանագրով Վարդան Բարսեղյանն ազատվել է արտաքին գործերի նախարարի պաշտոնից: Միայն երկու ժամ հետո է  գլխավոր վարչությունը  տարածել տեղեկատվության փոփոխված տարբերակը, որում արդեն նշված էր, թե պաշտոնից ազատվել է նախարարի տեղակալը: Կարելի է կարծել, որ  հայաստանյան մի շարք լրատվամիջոցներ անտեղյակ են ԼՂՀ առանցքային պաշտոնյաներից: