Հաիթիում խոլերայից մահացողների թիվը շարունակում է աճել

Հաիթիում խոլերայից մահացածների թիվը 900-ից ավելի է, տեղեկացնում է NY Times-Ը: Առողջության նախարարությունը հայտնել է, որ ուրբաթ օրվա դրությամբ մահացածների թիվը 917 է եղել, իսկ 14.600-ից ավելի մարդիկ հոսպիտալացվել են խոլերայանմնան նշաններով: Վարակը հայտնաբերվել է Հաիթիի տասը նահանգներից վեցում, իսկ Արտիբոնայտում, որտեղից ծնունդ է առել վարակը, գրանցվել են մահվան ամենաշատ դեպքերը՝ մահացածների երկու երրորդը:

Նախագահ Ռենե Պրեվալը կոչ է արել մարդկանց հաճախակի լվալ իրենց ձեռքերը և խմել միայն զտված ջուր: Սակայն նույնիսկ երկրաշարժից առաջ բնակչության մեծ մասի համար մաքուր ջուրը մատչելի չի եղել: ՄԱԿ-ը մարդասիրական կառույցներից և դոնորներից 164 միլիոն ԱՄՆ դոլար է խնդրել՝ օգնելու կառավարությանը պայքարել վարակի դեմ: Գումարի մեծ մասը՝ 89 միլիոն ԱՄՆ դոլար, նախատեսված է մաքուր ջրի և հիգիենայի համար: