«Տաշիր պիցցաների» ցանցի փակողը դարձավ ՍԱՏՄ ղեկավար

ՀՀ էկոնոմիկայի նախարարությունում հունիսի 20-ին կայացել է Սննդամթերքի անվտանգության տեսչական մարմնի կառավարման խորհրդի արտահերթ նիստը, որը վարել է խորհրդի նախագահ Գևորգ Պապոյանը։

Օրակարգում ներառված է եղել 7 հարց։

Խորհրդի նիստում որոշվել է ՍԱՏՄ ղեկավարի պաշտոնում նշանակվելու համար Տիգրան Պետրոսյանի թեկնածությունը ներկայացնել Վարչապետի հաստատմանը։

Yerkir.am-ն ավելի վաղ հայտնել էր, որ Սննդամթերքի անվտանգության տեսչական մարմնի ղեկավար է ընտրվելու Տիգրան Պետրոսյանը։

Հիշեցնենք՝ Yerkir.am-ը հայտնել էր, որ իր տեղեկություններով` Սննդամթերքի անվտանգության տեսչական մարմնի ղեկավարի պարտականությունները կատարող Տիգրան Պետրոսյանին կառավարությունից հանձնարարվել է կասեցնել գործող «Տաշիր պիցցաների» գործունեությունը: 

Այստեղից կարող ենք եզրակացնել, որ Տիգրան Պետրոսյանը բարեհաջող հանձնել է քննությունն ու մարդկանց աշխատանքից զրկելու հաշվին հավատարմության երդում տվել Փաշինյանի ազգակործան իշխանությանը։