Բաքվի բանտում կարող էինք լինել յուրաքանչյուրս, իրավունք չունենք անտարբեր մնալու․ Արցախի ՄԻՊ

«Սկսած 2023 թվականաի սեպտեմբերից, մինչ այդ էլ, Բաքվում գտվող մեր հայրենակիցների նկատմամբ անմարդկային վերաբերմունքի մասին բազմիցս խոսել ենք, ներկայացվել են խոշտանգումների, կտտանքների ապացույցներ»,- Ծիծեռնակաբերդում ակցիայի ժամանակ ասաց Արցախի Հանրապետության Մարդու իրավունքների պաշտպան Գեղամ Ստեփանյանը։

Նա ընդգծեց, որ  ամենավերջին ապացույցը Ռուբեն Վարդանյանի՝ օրերս տարածված նկարն է, հստակ երևում է խոշտանգման հետքերը։

«Այն հայտարարությունը, որ արվել է պարոն Վարդանյանի ու նրա պաշտպանությունն իրականացնող անձանց կողմից, ևս մեկ անգամ վերահաստատեցին մեր մտավախությունները խոշտանգման, կտտանքների վերաբերյալ»,- ասաց Գ.Ստեփանյանը։ 

Նա կոչ արեց բոլորին՝ հնարավորության սահմաններում Բաքվում գտվող հայ գերիների հարցը բարձրաձայնել տարբեր հարթակներում։ 

«Գոնե մեկ օր հապաղելու իրավունք չունենք, պետք է մոբիլիցազնել բոլոր ջանքերը, որ օր առաջ մեր հայրենակիցները վերադառնան հայրենիք։ Պետք է հասկանալ, որ պայքարում ենք ոչ թե կոնկրետ անձնաց, այլ հայ ժողովրդի ընդհանրական նկարագրի համար»,- նշեց Արցախի Մարդու իրավունքների պաշտպանը։

Մանրամասն՝ տեսանյութում