Թշնամի երկիրը հայտնել է, որ ոչ մի պարտավորություն չունի ազատ արձակելու Արցախի ղեկավարներին

Ըստ թշնամի երկրի ձևակերպմամբ՝ ռազմագերիների վերադարձի հարցում իրենք պարտավորություն չունեն ազատ արձակելու «ռազմական հանցագործներին» և «անջատողական խունտայի» ռեժիմի ներկայացուցիչներին։ Այս մասին հայտարարել է թշնամի երկրի ԱԳՆ-ն։

«Ադրբեջանը, հավատարիմ մնալով մարդասիրության սկզբունքին, ՀՀ-ին է փոխանցել բոլոր ռազմագերիներին․ սակայն այն փաստը, որ Ադրբեջանի վերադարձից հետո ռազմագերիները զանգվածային ձերբակալությունների և հետապնդումների են ենթարկվել հայկական պետության կողմից, առանձնահատուկ զարմանք է առաջացնում այդ պետության կողմից իր քաղաքացիների հանդեպ «հոգատարության» համատեքստում»,- հայտարարել է թշնամի երկրի ԱԳՆ-ն։