ՀՅԴ-ական պատգամավորներն այցելել են դիրքեր

Նրանք արժանի են. այս մասին գրել է ՀՅԴ անդամ, ՀՀ ԱԺ «Հայաստան» խմբակցության պատգամավոր Արթուր Խաչատրյանը:

«Այսօր «Հայաստան» խմբակության պատգամավորներ Lilit Galstian-ի, Arpine Vardanyan-ի և Արմենուհի Կյուրեղյանի հետ այցելեցինք սահման՝ դիրքեր: Այնտեղ՝ թշնամուն դեմ հանդիման, մի մարդաբոյ ձյան մեջ, մեր ազգի պատիվն են պաշտպանում փորձառու սպաներն ու երիտասարդ զինվորները: Թերևս միայն նրանք կարող են բաց ճակատով Նոր Տարի նշել:

Շնորհավորում եմ մեր բոլոր զինվորների ու սպաների Նոր Տարին, մաղթում անփորձանք ու հաղթական ծառայություն: Իսկ տանը նրանց անհամբեր ու սրտատրոփ սպասողներին համբերություն ու կորով եմ մաղթում: Տղերքին քեֆով բանակ են ճամփել, թող քեֆով դիմավորեն: Տղերքն արժանի են...»,- գրել է նա: