26 04 2024
|
||
---|---|---|
EUR | ⚊ | 416.73 |
GBP | ⚊ | 485.98 |
GEL | ⚊ | 144.6 |
RUB | ⚊ | 4.22 |
USD | ⚊ | 388.6 |
Պաշտպանության նախարար Սուրեն Պապիկյանն այսօր՝ մարտի 10-ին, այցելել է Հանրապետության հարավարեւմտյան սահմանագոտի, շրջել դիրքերում, հետեւել մարտական հերթապահության կազմակերպմանը, զրուցել անձնակազմի հետ:
Ինչպես տեղեկանում ենք Պաշտպանության նախարարությունից, զորամիավորման եւ զորամասի հրամանատարները պաշտպանության նախարարին զեկուցել են մանրամասներ սահմանագոտու իրադրության վերաբերյալ:
Սուրեն Պապիկյանը հետաքրքրվել է անձնակազմի մարտական պատրաստությամբ, կացարանային պայմաններով, լսել զեկույցներ անվտանգության կանոնների պահպանման ուղղությամբ տարվող աշխատանքների վերաբերյալ:
Պաշտպանության նախարարը հատուկ ուշադրություն է դարձրել հենակետերի, դիտակետերի կահավորմանը, ինժեներական եւ ամրաշինական աշխատանքներին:
Այցի ավարտին պաշտպանության նախարարը շնորհակալություն է հայտնել դիրքապահներին՝ բարեխիղճ ծառայության, սահմանի իրենց վստահված հատվածը զգոն պաշտպանելու համար:
Սուրեն Պապիկյանը հետեւել է նաեւ առաջնագծում իրականացվող նոր ենթակառուցվածքների կառուցման լայնածավալ աշխատանքներին։