կարևոր
3520 դիտում, 1 տարի առաջ - 2022-10-29 11:44
Քաղաքական

Մամուլից լսել եմ, որ ռուսական տարբերակն առաջնային է համարվել և աշխատել են այդ տարբերակի ուղղությամբ. Խաչատուր Սուքիասյան

Մամուլից լսել եմ, որ ռուսական տարբերակն առաջնային է համարվել և աշխատել են այդ տարբերակի ուղղությամբ. Խաչատուր Սուքիասյան

Արևմուտքն ի՞նչ դիրքորոշում ունի Սյունիքի միջանցքի հետ կապված։ Նշված հարցին ՔՊ համագումարից առաջ լրագրողներին Ազգային ժողովի «Քաղաքացիական պայմանագիր» խմբակցության պատգամավոր Խաչատուր Սուքիասյանը պատասխանեց  հետևյալը՝ ես տեղեկություներ չունեմ: 

Դիտարկմանը, թե ՌԴ նախագահ Վլադիմիր Պուտինն ասել է, թե ՀՀ իշխանությունը հակված է «վաշինգտոնյան տարբերակին», նա արձագանքեց.

«Այդպիսի բան ես չեմ լսել: Ես շատ ուշադիր լսել եմ նրա ելույթը: Դուք մամուլում տեսել եք, որ երկու մոտեցում հնչեցվել է՝ ռուսական և արեւմտյան: Մեծ հաշվով, որքան տարբերությունը հասկացա մամուլից, որ ռուսական տարբերակը ԼՂ հարցում այլ է, արևմտյան տարբերակը՝ այլ: Արևմտյան տարբերակն ասում է մշակութային ինքնուրույնություն: Ռուսական տարբերակում ԼՂ հարցում կա այնպիսի մոտեցում, որ ստատուս քվոն պահվում է: Մամուլից լսել եմ, որ ռուսական տարբերակն առաջնային է համարվել և աշխատել են այդ տարբերակի ուղղությամբ»:

Անդրադառնալով հոկտեմբերի 31-ին Հայաստանի, Ռուսաստանի և Ադրբեջանի ղեկավարների հանդիպմանը՝ Սուքիասյանը նշեց, որ չի կարծում, թե հանդիպման ժամանակ որևէ փաստաթուղթ կստորագրվի:

«Հնարավոր է, որ պայմանավորվածություն ձեռք բերվի, բայց որքան գիտեմ փաստաթուղթ չկա ստորագրելու: Միգուցե ինչ-որ փաստաթուղթ ստորագրվի, բայց չեմ կարծում, որ խոսքը խաղաղության ընդհանուր փաստաթղթի մասին է»: