Ռուսաստանը չի դադարեցնում հարձակողական գործողությունները Դոնեցկի և Լուգանսկի շրջաններում. Ուկրաինայի գլխավոր շտաբ

Հակառակորդը չի դադարում հարձակողական գործողություններ իրականացնել Արևելյան օպերատիվ գոտում՝ Դոնեցկի և Լուգանսկի շրջանների տարածքների նկատմամբ լիակատար վերահսկողություն հաստատելու և ժամանակավորապես օկուպացված Ղրիմի հետ ցամաքային միջանցքը պահելու համար․ ասվում է Ուկրաինայի զինված ուժերի գլխավոր շտաբի ամենօրյա զեկույցում։

«Ուկրաինայի տրանսպորտային ենթակառուցվածքը ոչնչացնելու նպատակով հակառակորդը հրթիռային հարվածներ է հասցրել Դնեպրոպետրովսկի, Կիրովոգրադի, Լվովի, Վիննիցայի, Կիևի, Անդրկարպատյան, Օդեսայի և Դոնեցկի շրջանների թիրախներին»,- ասվում է զեկույցում։

Հաղորդվում է նաև, որ Դոնեցկի և Տավրիայի ուղղություններում գործողությունները զսպելու նպատակով «զավթիչները» գնդակոծում են ուկրաինական զորքերի ստորաբաժանումները։