Վերա Եագուպեան Կը Նշանակուի Խմբագիրներու Սենտիքայի Խորհրդական

Խմբագիրներու սենտիքան 4 յունուար 2022-ին հրապարակեց հաղորդագրութիւն մը, որ կը նշէ, թէ սենտիքայի խորհուրդը գումարած է ժողով մը, որուն ընթացքին կատարած է իր խորհրդականներուն նշանակումը, կազմած յանձնախումբերն ու մշակած սենտիքայի աշխատանքային ծրագիրը:

Այս նշանակումներու շրջագիծին մէջ Միջին Արեւելքի Հայ դատի գրասենեակի պատասխանատու Վերա Եագուպեան նշանակուեցաւ Խմբագիրներու սենտիքայի խորհրդական:

Նշենք, որ երկու ամիս առաջ Ժոզեֆ Քսայֆի վերընտրուեցաւ Խմբագիրներու սենտիքայի նախագահ: Անոր նախագահութեան նստաշրջանը երեք տարի է:

Սենտիքայի նախագահի տեղակալներն են` Ղասսան Ռիֆի եւ Սալահ Թաքքիէտտին, իսկ սենտիքայի մնացեալ անդամներն են` Ժորժ Շահին (ընդհանուր քարտուղար), Ալի Եուսեֆ (գանձապահ), Ուասեֆ Աուատա (յարաբերականի պատասխանատու), Ուալիտ Ապպուտ, Հանատի Սամրա, Սքարլեթ Հատտատ, Եումնա Շաքար-Ղրայէպ, Ժորժ Պքասինի եւ Նաֆեզ Քաուաս:

aztagdaily.com