Վրաստանում զգուշացրել են կորոնացեղասպանության մասին

Բժշկական գիտությունների պրոֆեսոր, վարակաբան Դևի Տաբիձեն ասել է, որ Վրաստանի բնակչությանը սպառնում է կորոնացեղասպանությունը. գրում է Interpressnews.ge-ն։

«Թվերը պետք է բնակչությանը համոզեն, որ երկրում շատ ծանր վիճակ է։ Այս վիրուսի հետ չարժե կատակել. բառի բոլոր իմաստներով՝ սա անսովոր վիրուս է, և ոչ ոք չգիտի, թե ինչ նոր շտամ է այն կրկին արտադրելու»,- ասել է Տաբիձեն մամուլի ասուլիսում:

Ըստ նրա՝ ընդդիմադիր կուսակցություններին աջակցող լայնածավալ բողոքի ցույցերը նպաստել են վարակվածների թվի ավելացմանը։

«Իրականում հիվանդների վիճակը շատ արագ վատանում է։ Ամբողջ հանրապետությունում կան բազմաթիվ և բավարար մահճակալներ, սակայն ծանր վիճակում գտնվող հիվանդների մեծ թվի պատճառով վերակենդանացման բաժանմունքները գերբեռնված են»,- նշել է վրաց ինֆեկցիոնիստը։