Թուրքիայում տեղի է ունեցել Ուկրաինայի համար ռազմանավ կառուցելու արարողությունը

Ուկրաինայի ծովային ուժերի հրամանատար Ալեքսեյ Նեյժպապայի գլխավորած ուկրաինական պատվիրակությունը մասնակցել է Ուկրաինայի ռազմածովային ուժերի կարիքների համար Ադա տիպի կորվետի կառուցման հանդիսավոր արարողությանը: Այս մասին հայտնում է այդ երկրի ՊՆ մամուլի ծառայությունը:

Միջոցառումը տեղի է ունեցել Թուրքիայում՝ Ստամբուլի նավաշինարաններից մեկում:

Նեյժպապան բացատրել է, որ կորվետը կառուցվում է ապրիլի 28-ից: Այնուամենայնիվ, ըստ տեղական ավանդույթների, նավի կառուցման հանդիսավոր արարողությունը անցկացվում է միայն դրա իրանի մի մասի կառուցումից հետո:

Սպասվում է, որ 2022 թվականին կորվետը կփոխանցվի Ուկրաինային, իսկ 2024 թվականին կհամալրի նավատորմը:

2020 թվականի դեկտեմբերին ստորագրվեց պայմանագիր Ուկրաինայի համար հինգ թուրքական կորվետ գնելու մասին: