Գորբաչովը կյանքի տևողությամբ ռեկորդ է սահմանել խորհրդային առաջնորդների շարքում

ԽՍՀՄ նախկին նախագահ Միխայիլ Գորբաչովը կյանքի տևողության ռեկորդ է սահմանել խորհրդային առաջնորդների շարքում: Սրան ուշադրություն է դարձրել ռուս լրագրող Դմիտրի Սմիրնովն իր «Պուլ թիվ 3» թելեգրամյան ալիքում:

Մարտի 2-ին Միխայիլ Գորբաչովը դառնում է 90 տարեկան:

ՌՍՖՍՀ և ԽՍՀՄ ժողովրդական կոմիսարների խորհրդի նախագահ Վլադիմիր Լենինն ապրել է 53 տարի, խորհրդային առաջնորդ Իոսիֆ Ստալինը՝ 74 տարի: 87 տարեկան հասակում վախճանվել է ԽՍՀՄ Նախարարների խորհրդի նախագահ Գեորգի Մալենկովը, Խորհրդային Միության Կոմունիստական կուսակցության կենտրոնական կոմիտեի առաջին քարտուղար Նիկիտա Խրուշչովը՝ 77 տարեկանում: 76 տարեկան հասակում կյանքից հեռացել էր ԽՍՀՄ Կենտկոմի գլխավոր քարտուղար Լեոնիդ Բրեժնևը, որից հետո եկավ Յուրի Անդրոպովը՝ մահացել է 69 տարեկան հասակում, իսկ ԽՄԿԿ Կենտկոմի գլխավոր քարտուղար Կոնստանտին Չերնենկոն՝ 73 տարեկանում:

Սմիրնովը հիշեցրել է նաև, որ ժամանակավոր կառավարության ղեկավար Ալեքսանդր Կերենսկին ապրել է 89 տարի, իսկ Ռուսաստանի առաջին նախագահ Բորիս Ելցինը մահացել է 76 տարեկան հասակում:

Բացի այդ՝ Գորբաչովն ավելի երկար է ապրել, քան մեկ այլ ռուս առաջնորդ`Նիկոլայ II կայսրը, որը գնդակահարվել էր 50 տարեկան հասակում: