Իրանը Թրամփի և ԱՄՆ 47 քաղաքացու նկատմամբ հետախուզում է հայտարարել

Իրանը հետախուզում է հայտարարել ԱՄՆ 48 քաղաքացու, այդ թվում՝ նախագահ Դոնալդ Թրամփի նկատմամբ՝ կապված Բաղդադի օդանավակայանում գեներալ Ղասեմ Սոլեյմանիի սպանության հետ: Այս մասին Թեհրանում կայացած մամուլի ասուլիսում հայտնել է Իրանի Իսլամական Հանրապետության Գերագույն դատարանի մամուլի քարտուղար Ղուլամ Հուսեյն Իսմայիլին:

Նրա խոսքով՝ Իրանը Սոլեյմանիի սպանության հետաքննության շրջանակներում համագործակցում է տարածաշրջանի վեց երկրի, հիմնականում՝ Իրաքի հետ:

«Հնարավոր եղավ հաստատել 48 անձանց ներգրավվածությունը ԻՀՊԿ գեներալի սպանության մեջ: Նրանց թվում կան ԱՄՆ պաշտոնատար անձինք, այդ թվում՝ Պենտագոնից և տարածաշրջանում ԱՄՆ-ի հրամանատարությունից: Սակայն գլխավոր դերակատարը նախագահ Դոնալդ Թրամփն է: Բոլորն Ինտերպոլի կարմիր ցուցակով հայտնվել են հետախուզման մեջ»,- ասել է Իսմայիլին: