Իսրայելում ձերբակալվել է վարչապետի և պաշտոնատար անձանց սպառնացող կասկածյալը

Իսրայելի վարչապետ Բենյամին Նեթանյահուի և այլ պաշտոնատար անձանց հասցեին համացանցում սպառնալիքներ տարածելու մեջ կասկածվողը ձերբակալվել է և կանգնելու է դատարանի առջև. հայտնում են երկրի ոստիկանության մամուլի ծառայությունից:

«Կիբեր ոստիկանության ստորաբաժանումը ձերբակալել է Նեթանյայից 23-ամյա կասկածյալի այն բանից հետո, երբ նա սպառնալիքներ պարունակող հաղորդագրություններ է ուղարկել պետական պաշտոնյաներին, ներառյալ վարչապետին», - փոխանցում է РИА Новости-ն:

Ձերբակալված անձանց խափանման միջոցը կորոշի դատարանը՝ Ռիշոն-Լե Սիոնում:

Նեթանյահուն նախկինում բազմաթիվ բողոքներ է ներկայացրել ոստիկանություն՝ սոցիալական ցանցերում իր և իր ընտանիքի անդամների դեմ սպառնալիքների վերաբերյալ: