ՏԵՍԱՆՅՈՒԹ․ ԱԱԾ աշխատակիցները Գագիկ Ծառուկյանին տարան հարցաքննության

Գագիկ Ծառուկյանը դուրս եկավ ԱԺ-ից՝ հայտարարելով, որ ինքը հիմա գնում է ԱԱԾ՝ հարցաքննության՝ հայտնում է Yerkir.am-ը:

Դրսում նրան մոտեցան ԱԱԾ աշխատակիցները և տեղեկացրին, որ պետք է իրենց հետ գնա:

ԱԺ-ի բակում Գագիկ Ծառուկյանին ԱԱԾ տանելու համար սպասում էր ԱԱԾ քննչական վարչության պետ Միքայել Համբարձումյանը:

Նշենք, որ մինչ այդ լրագրողների հետ զրույցում Գագիկ Ծառուկյանը հայտարարել էր, որ գործը շինծու է:

Հիշեցնենք, որ այսօր ԱԺ-ում ՀՀ գլխավոր դատախազ Արթուր Դավթյանը միջնորդագիր է ներկայացրել ԱԺ պատգամավոր Գագիկ Ծառուկյանի նկատմամբ քրեական հետապնդում հարուցելուն համաձայնություն տալու վերաբերյալ։ Գլխավոր դատախազը երեկ է միջնորդություն ներկայացրել ԲՀԿ առաջնորդին պատգամավորական անձեռնմխելիությունից զրկելու և 2017 թվականի խորհրդարանական ընտրություններում կաշառք բաժանելու գործով որպես մեղադրյալ ներգրավելու վերաբերյալ: Խորհրդարանական ընտրություններին կաշառք բաժանելուց զատ, Ազգային անվտանգության ծառայությունը Ծառուկյանին առնչվող երկու այլ քրեական գործեր է հարուցել: «Բարգավաճ Հայաստանի» նախագահը պնդում է, որ այդ քրեական գործերը հորինված են քաղաքական պատվերով:

Մանրամասն՝ տեսանյութում․