Դիլիջան ԲԿ-ն 55 սովորական և 5 վերակենդանացման մահճակալներով կսկսի ընդունել կորոնավիրուսով հիվանդների

Դիլիջանի բժշկական կենտրոնը միանում է կորոնավիրուսի դեմ պայքարին: Այս մասին Yerkir.am-ը տեղեկանում է Տավուշի մարզպետարանի ֆեյսբուքյան էջից:

Դիլիջան ԲԿ-ն 55 սովորական և 5 վերակենդանացման մահճակալներով կսկսի ընդունել կորոնավիրուսով հիվանդների:

Միևնույն ժամանակ տեղեկացնում ենք, որ Դիլիջանի բժշկական կենտրոնում շարունակում է նախկինի նման գործել ամբուլատոր օղակը՝ դեղերի տրամադրումը, լաբորատոր հետազոտությունները, անհետաձգելի բուժօգնությունը, գործում է նաև ծննդատունը:
Կորոնավիրուսով հիվանդների սպասարկումը ամբողջությամբ առանձնացված հատվածում է և որևէ ռիսկ չի պարունակում մյուս այցելուների համար:

Առողջություն ենք մաղթում բոլորին և հորդորում հետևել հակամաճարակային կանոններին: