Ոտնկայս ծափերով ու թիկունքից հարվածելով հրաժեշտ տվեցին ժողովրդավարության պատրանքին․ Ս․ Սեյրանյանը՝ ԱԺ-ի միջադեպի մասին

ՀՅԴ Բյուրոյի անդամ Սպարտակ Սեյրանյանը ֆեյսբուքյան իր էջում գրել է. 

«Ազգային Ժողովում տեղի ունեցածն, անշուշտ, տգեղ էր: Բայց դրան հաջորդեց ավելի մտահոգիչ բան: Նախ, երկրի վարչապետն իր ելույթով փաստորեն արդարացրեց տեղի ունեցածը (հանրային ընկալման առումով` այլ կերպ ասած`մի հատ էլ ինքը խփեց), իսկ հետո ՔՊ խմբակցության պատգամավորները ծափերով ամրագրեցին տեղի ունեցածն արդարացնելը (հանրային ընկալման առումով`այլ կերպ ասած` յուրաքանչյուրն, ով մինչ այդ չէր հասցրել խփել, իր փայ հարվածը հասցրեց):

Ու այդպես` ուրախ տրամադրությամբ, ոտնկայս ծափերով ու թիկունքից հարվածելով հրաժեշտ տվեցին ժողովրդավարության պատրանքին»: