ՀՀ-ն ռազմավարական կարեւորություն ունի. Նիդերլանդների ԱԳՆ-ն՝ Երևանում դեսպանատուն բացելու մասին

Նիդերլանդների արտաքին գործերի նախարարության կայքում հրապարակվել է Հայաստանում դեսպանություն բացելու հիմնավորումը. ըստ Yerkir.am-ի՝ այս մասին իր ֆեյսբուքյան էջում գրառում է կատարել Նիդերլանդներում ՀՀ դեսպան Տիգրան Բալայանը:

Նա, մասնավորապես, նշել է. 

«Հայաստանը գտնվում է Ռուսաստանի, Թուրքիայի եւ Իրանի միջեւ, հետեւաբար ռազմավարական կարեւորություն ունի: 2018 թվականի ապրիլին այսպես կոչված թավշյա հեղափոխությունից հետո նոր կառավարությունն արդիականացնում է երկիրը եւ պայքարում է կոռուպցիայի դեմ: Նիդերլանդները կարող է աջակցել այս գործընթացին: Այս պահին Հայաստանը տարածաշրջանում միակ երկիրն է, որտեղ Նիդերլանդները դեսպանատուն չունի: Ներկայացուցիչների պալատը ցանկանում է դեսպանատուն բացել նաեւ Երեւանում»: