Բրիտանական ձերբակալված նավի սեփականատերը կապ է հաստատել անձնակազմի հետ

Stena Bulk ընկերությունը, որին պատկանում է Բրիտանիայում գրանցված Stena Impero նավթատար նավը, հեռախոսով կապ է հաստատել իրանական իշխանությունների կողմից ձերբակալված նավի անձնակազմի հետ. հայտնում է РИА Новости-ն` ընկերությանը հղումով:

Նշվում է, որ անձնակազմի անդամների անվտանգությունն ապհովված է, նրանք համագործակցում են իրանական անձնակազմի հետ:

«Մենք, իհարկե, գնահատում ենք այդ քայլը, դա առաջին նշանն է այն բանի, որ շուտով ավելի դրական առաջընթաց կտեսնենք իրանական իշխանությունների կողմից»,- ասել են ընկերությունից:

Հիշեցնենք, որ հուլիսի 19-ին բրիտանական նավը ձերբակալվել էր  իրանական ձկնորսական նավի հետ բախումից հետո: Նավի աձնակազմի անդամներից երեքը ռուսաստանցիներ են: Ներկայումս հետաքննություն է տարվում: