Ուկրաինայի կողմից ձերբակալված ռուսական նավի անձնակազմի անդամները Մոսկվայում են

Ռուսական Neyma նավթատար նավի անձնակազմի անդամները ժամանել են Մոսկվա, որտեղից կուղևորվեն տուն: Այդ մասին հայտնում է Интерфакс-ը:

Հիշեցնենք, որ Ուկրաինայի Անվտանգության ծառայությունը երեկ հայտնել է Իզմայլ նավահանգստում ռուսական նավի ձերբակալության մասին: Ուկրաինական կողմը պնդում էր, որ նավը մասնակցել է 2018-ի նոյեմբերի 25-ին Կերչի նեղուցում տեղի ունեցած միջադեպին (ուկրաինական նավերը խախտել էին ՌԴ սահմանի և ձերբակալվել): Սակայն հարցաքննությունից հետո անձնակազմին բաց են թողել: Ուկրաինայի անվտանգության ծառայությունը չի գտել անձնակազմի կողմից Ուկրաինայի օրենքների և ծովային իրավունքի խախտում, և կալանքի հիմքեր չեն եղել:

Նավը, սակայն, շարունակում է  մնալ նավահանգստում, ՈԱԾ-ն մտադիր է այն կալանելու միջնորդություն ներկայացնել: