Մոսկվայում ուղևորը անձնակազմի հետ վեճից հետո սպառնացել է պայթեցնել ինքնաթիռը

Մոսկվայի «Դոմոդեդովո» օդանավակայանում Մոսկվա-Բեռլին չվերթի ուղևորը ձերբակալվել է ինքնաթիռը պայթեցնելու սպառնալիքից հետո: Պարզվել է, որ սպառնալիքը կեղծ է եղել: Այս մասին հաղորդում է Interfax-ը` հղում անելով ՆԳ նախարարության մամուլի ծառայությանը:

Աղբյուրը մանրամասնում է, որ միջադեպը տեղի է ունեցել թռիչքից առաջ` տեղական ժամանակով ժամը 13:05-ին: Տարեց տղամարդը վիճել է անձնակազմի հետ, այնուհետև սկսել է պայթյուն անելու սպառնալիքներ հնչեցնել: Ուղևորները տարհանվել են, մասնագետները ստուգել են ինքնաթիռի սրահը, սակայն ռումբ չի հայտնաբերվել:

Նշվում է, որ թռիչքը մեկնարկել է ուշացումով, իսկ տղամարդը տեղափոխվել է ոստիկանության բաժանմունք: