Արընչը Էրդողանի հետ վեճից հետո որոշել էր հրաժարական տալ

Թուրքիայի փոխվարչապետ Բյուլենթ Արընչը որոշել էր հրաժարական տալ. տեղեկացնում է թուրքական Taraf թերթը:

Թաքսիմ հրապարակի դեպքերի հետ կապված` Արընչի հանդիպումը նախագահ Գյուլի հետ, այնուհետեւ նրա ներողությունը ոստիկանության գործողությունների կապակցությամբ առաջացրել էին վարչապետ Էրդողանի դժգոհությունը: Հյուսիսային Աֆրիկա 5-օրյա այցից տուն վերադառնալով` վերջինս կառավարության նիստ է գումարում, որի ընթացքւմ  վեճ է տեղի ունենում վարչապետի եւ փոխվարչապետի միջեւ: Դրանից հետո Արընչը հայտարարում է պաշտոնից եւ կուսակցությունից հեռանալու մասին:

Ըստ թերթի` երբ Արընչը լքում է նիստի դահլիճը, նրան են հետեւում մի քանի նախարարներ: Արընչի որոշման մասին իմանում է նախագահ Գյուլը, եւ միայն նրա միջամտությունից հետո փոխվարչապետը որոշում է հրաժարական չտալ: