Գուցե հենց Անդրեասյանն է իր գործունեությունից դժգոհ և որոշել է հրաժարական տալ. Մկրտիչ Մինասյան

ԱԺ ՀՀԿ-ական պատգամավոր Մկրտիչ Մինասյանն այսօր լրագրողների հետ հանդիպման ընթացքում անդրադարձավ Կարեն Անդրեասյանի հրաժարականին:

Նրա կարծիքով` Անդրեասյանին փոխարինող պաշտոնյա, ով օժտված է համապատասխան գիտելիքներով, հաստատ կգտնվի: «Ես չեմ գտնում, որ հայոց արգանդը չորացել է: Կան մարդիկ, ովքեր վերլուծելու հնարավորություն ունեն և կարող են դառնալ ՄԻՊ»,- ասաց Մինասյանը:

Նա հավելեց, որ չի էլ կարող բացառել այն հանգամանքը, որ ԱԺ-ում տեղի ունեցած քննարկումները հանգեցրին Կարեն Անդրեասյանի հրաժարականին: «Միգուցե հենց Անդրեասյանն է իր գործունեությունից դժգոհ և որոշել է հրաժարական տալ: Քաղաքակիրթ երկրներում հրաժարականներին ողբերգական գույներով չեն նայում: Հավերժ բան չկա»,- ասաց ՀՀԿ-ական պատգամավորը: