Թերեզա Մեյն այսօր արտահերթ նիստ կգումարի բրիտանական նավի կալանման հարցը քննարկելու համար

Այսօր` հուլիսի 22-ին, Մեծ Բրիտանիայի վարչապետ Թերեզա Մեյը պատրաստվում է Cobra արտակարգ կառավարական կոմիտեի նիստ հրավիրել` կապված Հորմուզի նեղուցում Իրանի կողմից բրիտանական Stena Impero նավթատար նավի կալանման հետ. հայտնում է ru.tsn.ua-ն:

Նիստի ընթացքում Մեյը մտադիր է վերջին տեղեկատվությունը ստանալ նավի ձերբակալման հետ կապված իրավիճակի մասին:

Հիշեցնենք, որ բրիտանական նավը ձերբակալվել է հուլիսի 19-ի երեկոյան` այն բանից հետո, երբ բախվել է իրանական ձկնորսական նավի հետ: Ըստ իրանական կողմի` միջադեպը պետք է հետաքննվի, ինչից հետո միայն անձնակազմի անդամները ազատ կարձակվեն: Նրանց թվում է նաև 3 ռուսաստանցի: