Վահե Գրիգորյանի հայտարարությունը հիմք չունի. Արա Ղազարյան. Tert.am

ՍԴ դատավոր ընտրված Վահե Գրիգորյանի հայտարարությունը, թե ինքը ստանձնում է ՍԴ նախագահի պաշտոնը, հիմքեր չունի: Այս մասին Tert.am-ի հետ զրույցում ասաց «Արա Ղազարյան» իրավաբանական գրասենյակի տնօրեն, միջազգային իրավունքի մասնագետ Արա Ղազարյանը:

Ըստ մասնագետի՝ կարևոր է բառի բովանդակությունը, ոչ թե անվանումը:

Դիտարկմանը, թե ամեն դեպքում բաց չկա՞, եթե քննարկում է տարվում, Արա Ղազարյանն ասաց, որ եթե նույնիսկ բացը կա, կարևոր է գործունեության կարգավորումը, երևույթը, ոչ թե բառերը: «Նրանք կայացրել են բազմաթիվ որոշումներ: Հիմա մենք չենք կարող դրանք անվավեր համարել: Պատկերացնո՞ւմ եք՝ որքան մարդիկ կտուժեն»:

Հիշեցնենք, որ Վահե Գրիգորյանը ՍԴ դատավորի պաշտոնը ստանձնելու երդման ժամանակ հայտարարեց, որ ստանձնում է ՍԴ նախագահի պաշտոնը: