ՄԱԿ-ը վերջնագիր է ներկայացրել Թուրքիային

ՄԱԿ-ի Մարդու իրավունքների կոմիտեն Թուրքիայից պահանջել է ազատ արձակել 2017 թ. Մալայզիայում ձերբակալված երկու մտավորականի: 2017 թ. Իսմեթ Օզչելիքը և Time International դպրոցի տնօրեն Թուրգայ Քարամանը ձերբակալվել էին Մալայզիայում և հանձնվել Թուրքիային: Թուրքիայի պահանջով ձերբակալված գրողները մեղադրվում էին երկրում արգելված գյուլենական շարժման անդամ լինելու մեջ: ՄԱԿ-ն այս պահանջը կատարելու համար Թուրքիային 180 օր ժամանակ է տվել. հաղորդում է artigercek.com կայքը:

«Իշխող կուսակցությունը պարտավոր է ազատ արձակել գրողներին: Պետք է վերադարձվեն այդ մարդկանց իրավունքները`  ոտնահարված բռնաճնշումների և անարդարության պատճառով»,- նշված է զեկույցում:

Զեկույցում նշվում է նաև, որ Թուրքիայում 2016 թ. հուլիսի 15-ի անհաջող ռազմական հեղաշրջումից հետո դրան մասնակցելու կասկածանքով 77.000 մարդ է բանտարկվել: