կարևոր
3700 դիտում, 1 ժամ առաջ - 2025-12-31 09:53
Հասարակություն

Հրազդան գետում հայտնաբերվել է որոնվող, 44-օրյային նահատակված Գոռ Երմալովյանի 26-ամյա քրոջ մարմինը

Հրազդան գետում հայտնաբերվել է որոնվող, 44-օրյային նահատակված Գոռ Երմալովյանի 26-ամյա քրոջ մարմինը

Այսօր՝ դեկտեմբերի 31-ին, ողբերգական դեպք է տեղի ունեցել Երևանում։ Ժամը 09:00-ի սահմաններում հարազատներն ու բարեկամները Հրազդան գետում հայտնաբերել են աղջկա դի։ Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են ՀՀ ՆԳՆ Փրկարար ծառայության Երևանի թիվ 7-րդ հրշեջ-փրկարարական ջոկատից 1 մարտական հաշվարկ։

Դեպքի վայրում հավաքված մի քանի քաղաքացիներ ասում էին, որ հայտնաբերված մարմինը դեկտեմբերի 26-ից որպես անհայտ որոնվող, Արցախյան 44-օրյա պատերազմում նահատակված, լեգենդ դարձած հերոս Գոռ Երմալովյանի 26-ամյա քույրն է։

Ինչպես ավելի վաղ հայտնել էր լրատվամիջոցը, դեկտեմբերի 26-ից որպես անհայտ որոնվում է Արմավիրի մարզի Նոր Կեսարիա բնակավայրի բնակիչ 26-ամյա Լիլիթ Երմալովյանը։