Վահաբականները վերջնագիր են ներկայացրել Իրաքի քրիստոնյաներին

Քրիստոնյաները զանգվածաբար լքում են իրաքյան Մոսուլ քաղաքը, քանի որ «Իսլամական պետություն» խմբավորման գրոհայինները վերջնագիր են ներկայացրել` շաբաթ օրն արդեն լքած լինել քաղաքը. տեղեկացնում է Al-Arabiya-ն:

«Քրիստոնյա ընտանիքներն արդեն Դոհուկ եւ Էրբիլ քաղաքների (գտնվում են Քրդստանում) ճանապարհին են: Իրաքի պատմության մեջ առաջին անգամ Մոսուլում քրիստոնյա այլեւս չկա»,- հեռուստաալիքին հայտնել է Քաղդեական կաթոլիկ եկեղեցու պատրիարք Լուսի Ռաֆայել Սակո Առաջինը:

Ականատեսները պատմել են, որ քրիստոնյաներին ուղղված` քաղաքը լքելու մասին վերջնագիրը հաղորդվել է տեղի մզկիթների բարձրախոսներով:

Ավելի վաղ ԶԼՄ-ները հայտնել էին, որ գրոհայինները ոչ մուսուլմաններից հարկ էին վերցնում` ամենաքիչը ամսական 250 դոլար, որը Իրաքի ներկայիս պայմաններում վաստակել գործնականում անհնար է: