Իվանիշվիլին վերջնագիր է ներկայացրել Սահակաշվիլիին

Վրաստանի վարչապետ Բիձինա Իվանիշվիլին կոչ է արել երկրի նախագահ Միխեիլ Սահակաշվիլիին` առաջիկա 2-3 օրվա ընթացքում սահմանադրական փոփոխությունների վերաբերյալ հստակ դիրքորոշում հայտնել. գրում է Грузия Online-ը։

«Եթե ցանկանում եք՝ ընդունեք իմ խոսքերը որպես վերջնագիր կամ քաղաքական մեծահոգություն: Ով կհամաձայնի այս փոփոխությունների հետ, կշարունակի ծառայել այս երկրին` հնարավորություն տալով նրան ուղղել սխալները և քաղաքական ապագա ունենալ: Նա, ով դեմ կլինի առաջարկին, կստանձնի վերջին 9 տարիներին Ձեր համախոհների կատարած ցանկացած քայլի պատասխանատավությունը և կշարունակի ապրել այդ բեռով»,- գրել է Իվանիշվիլին իր նամակում:

Նշենք, որ սահմանադրական փոփոխությունները ենթադրում են նախագահի լիազորությունների կրճատում։