ԼՀԿ-ն առաջարկում է ԱԺ արտահերթ նիստ հրավիրել

Քիչ առաջ ԱԺ «Լուսավոր Հայաստան» խմբակցության նիստում որոշում կայացվեց հրավիրել Ազգային ժողովի արտահերթ նիստ, դրա համար նախաձեռնվել է ստորագրահավաք։ Այս մասին տեղեկանում ենք խմբակցության` Facebook-ի պաշտոնական էջից:

«ԼՀ խմբակցությունը նախաձեռնությամբ առաջարկում է արտահերթ նիստին քննարկել վարչապետ Նիկոլ Փաշինյանի կողմից տարածված հայտարարության հիման վրա քաղաքացիների կողմից դատարանների շենքերի շրջափակման հետևանքով Հայաստանի Հանրապետությունում ստեղծված իրադրությունը և դատաիրավական համակարգի բարեփոխումների իրականացման հնարավորության ու հեռանկարի վերաբերյալ վարչապետի հայտարարությունը։ 
ԱԺ «Լուսավոր Հայաստան» խմբակցությունը ԱԺ «Իմ քայլը» և «Բարգավաճ Հայաստան» խմբակցությունների պատգամավորներին կոչ է անում միանալ նախաձեռնությանը և գալ խորհրդարան՝ այն ստորագրելու»,- գրված է խմբակցության ֆեյսբուքյան էջում։