Իմ սրտում այդ ամենը կա. Դավիթ Տոնոյանը` «Հայաստան-Արցախ» ռազմավարական դաշինքի մասին

Հայաստանի Հանրապետության պաշտպանության նախարար Դավիթ Տոնոյանը ՀՀ-Ադրբեջան սահմանին տիրող իրավիճակը գնահատում է հարաբերական կայուն: «Եռաբլուր» զինվորական պանթեոնում լրագրողների հետ ճեպազրույցում ՀՀ ՊՆ նախարարն ասաց. «Ես իրավիճակը գնահատում եմ հարաբերական կայուն, բոլոր միջոցները ձեռնարկվում են, որ խնդիրներ չառաջանան»:

Հարցին, թե ինչպես է Տոնոյանը գնահատում ՀՅԴ նախաձեռնած «Հայաստան-Արցախ» ֆորումն ու Հայաստան-Արցախ ռազմավարական դաշինքին իրավական աստիճան տալու ստորագրահավաքը, նախարարը պատասխանեց, որ դա ավելի շատ քաղաքական գործընթաց է: «Գնահատական չէի ուզենա տալ, բայց իմ սրտում այդ ամենը կա»,- հավելեց նա: