Թուրքիան 11 տարում կունենա ջրի լուրջ պակաս

Թուրքիայի Բիլգի համալսարանի Շրջակայքի, էներգետիկայի և բնապահպանության հետազոտության կենտրոնի տնօրեն Այշե Ույդուրանօղլուն հայտնում է, որ Թուրքիան 11 տարում կհամալրի ջրի պակաս ունեցող երկրների շարքը. հաղորդում է haberler.com կայքը:

Թուրքիայի ջրային ծախսը տարեկան կազմում է 112 միլիարդ խմ, իսկ մեկ անհատին բաժին է ընկնում 1.519 խմ: Ըստ Ույդուրանօղլուի` եթե, ինչպես նախատեսվում է, 2030 թ. Թուրքիայի բնակչությունը հասնի 100 միլիոնի, ապա Թուրքիան կմտնի ջրի պակաս ունեցող երկրների ցուցակը: Հետազոտողի խոսքով` ջրի պակասը գրանցվելու է ոչ թե բնակչության թվի ավելացման, այլ ջրային պաշարները սխալ բաշխելու և օգտագործելու պատճառով: