Չորս երկրներից Երևան ուղևորվող օդանավերը ուշացումով կժամանեն «Զվարթնոց»

Չորս երկրներից Երևան ուղևորվող օդանավերը ուշացումով կժամանեն «Զվարթնոց» միջազգային օդանավակայան։ Այս մասին է վկայում «Զվարթնոց» միջազգային օդանավակայանի առցանց չվացուցակը։

Այսպես՝ ուշացումով կժամանեն «Caspian Airlines» ավիաընկերության Թեհրանից դեպի Երևան չվերթերը։ Ի դեպ, հունվարի 14-ից ի վեր սա առաջին չվերթն է դեպի Երևան։ Մինչ այս բոլոր նախատեսված չվերթերը չեղարկվել էին։

Երևան ուշացումով կհասնեն նաև «Fly One»-ի ավիաընկերության կողմից իրականացվող Բարսելոնից, Թբիլիսիից, Կրասնոդարից և Մոսկվայից չվերթերը, ինչպես նաև «Aeroflot»-ի կողմից իրականացվող Մոսկվայից Երևան չվերթը։

Միաժամանակ«Զվարթնոց» միջազգային օդանավակայանի մամուլի ծառայությունից Sputnik Արմենիային հայտնեցին, որ Երևանում տեղացած ձյան պատճառով ուշացումներ չկան։