Եթե Եվրոպան խաղաղության մեջ է ապրում, ապա` միայն Թուրքիայի շնորհիվ. Էրդողան

Թուրքիայի նախագահ Ռեջեփ Թայիբ Էրդողանը Մարաշ քաղաքում տեղի ունեցած հանրահավաքի ժամանակ հայտարարել է, որ եթե Եվրոպայի ժողովուրդներն իրենց երկրներում ապրում են խաղաղության և անվտանգության մեջ, ապա դա Թուրքիայի և թուրք ազգի անձնազոհության շնորհիվ է. հաղորդում է «Անադոլու» գործակալությունը:

«Մենք մեր ձեռքում եղած հնարավորությունները մեր բոլոր եղբայրների, հատկապես` ճնշվածների և անարդարության զոհ դարձածների հետ կիսող և դրանից պատիվ զգացող ազգ ենք: Այսօր Թուրքիան աշխարհում ամենաշատ մարդկային աջակցություն ցուցաբերող երկրների առաջին շարքերում է: Մեր երկրի փախստականների համար մինչ օրս, ըստ ՄԱԿ-ի չափորոշիչների, ծախսել ենք 37.5 մլրդ դոլար: ԵՄ անդամ 28 երկրում, ընդհանուր առմամբ, կա 2 մլն փախստական: Այնինչ` մեզ մոտ Իրաքից և Սիրիայից փախստականների թիվը  4 մլն է: Սակայն մենք չենք պատրաստվում հավիտյան այդ անձնազոհությանը գնալ»,- ասել է նա: