Ինձ համար միևնույն է, ես հավատում եմ Պուտինին. Թրամփ

ԱՄՆ Հետաքննությունների դաշնային բյուրոյի նախկին ղեկավար Էնդրյու Մաքքեյբը հայտարարել է, որ ԱՄՆ նախագահ Դոնալդ Թրամփը չի հավատացել ԱՄՆ հետախուզությանը ՌԴ նախագահ Վլադիմիր Պուտինի խոսքերի պատճառով. հայտնում է Федеральное агентство новостей-ը: Խոսքը Հյուսիսային Կորեայում բալիստիկ հրթիռների առկայության մասին է, որոնք ունակ են հասնել ԱՄՆ-ի տարածք:

«Թրամփը հայտարարեց, որ չի հավատում, որ նման հրթիռներ գոյություն ունեն, քանի որ նախագահ Պուտինն ասել է իրեն, որ նման հրթիռներ չկան»,- պատմել է Մաքքեյբը CBS-ին տված հարցազրույցում:

«Ինձ համար միևնույն է, ես հավատում եմ Պուտինին»,- Թրամփի խոսքերն է մեջբերել նա: