Ավարտվել է ԱԳ նախարարի հանդիպումը «Լուսավոր Հայաստան» խմբակցության անդամների հետ

Քիչ առաջ ավարտվել է ԱԳ նախարար Զոհրաբ Մնացականյանի հանդիպումն ԱԺ «Լուսավոր Հայաստան» խմբակցության անդամների հետ` արտաքին քաղաքական հարցերի շուրջ. տեղեկացնում է ԱԳՆ մամուլի խոսնակ Աննա Նաղդալյանը:

«Հանդիպման ժամանակ քննարկվող հարցերի բնույթն այնպիսին է, որ, բնականաբար, հանդիպումն ընթանում էր փակ ձևաչափով»,-ֆեյսբուքյան իր էջում նշել է նա:

Հիշեցնենք, որ  «Լուսավոր Հայաստան» խմբակցությունը ՀՀ ԱԳ ղեկավար Զոհրաբ Մնացականյանին այսօր հրավիրվել էր ԱԺ:  «Արցախյան հիմնախնդրի կարգավորման շուրջ վերջին զարգացումների, ինչպես նաև մեր երկրի արտաքին քաղաքական այլ առաջնահերթությունների շուրջ քննարկման և մտքերի փոխանակման համար այսօր ՀՀ արտաքին գործերի նախարար Զոհրաբ Մնացականյանին հրավիրել ենք ԱԺ «Լուսավոր Հայաստան» խմբակցության անդամների հետ հանդիպման։ Հանդիպման մասին որոշ պարզաբանումներ և տպավորություններ կփոխանցենք հանդիպման ավարտին»,- ֆեյսբուքյան իր էջում գրել էր «Լուսավոր Հայաստան» խմբակցության ղեկավար Էդմոն Մարուքյանը: