Բելառուսների և ռուսաստանցիների բախումը հնարավոր չէ. Լուկաշենկո

Բելառուսի նախագահ Ալեքսանդր Լուկաշենկոն հայտարարել է, որ հնարավոր չէ միմյանց դեմ հանել բելառուսներին և ռուսներին` չնայած այդ ուղղությամբ տարբեր փորձերին. հայտնում է РИА Новости-ն:

Նա հիշեցրել է միջադեպի մասին, որն աղմուկ էր բարձրացրել համացանցում: Այսպես` երկու անձանց միջև կոնֆլիկտ է տեղի ունեցել մետրոյում, իսկ ռուսական ԶԼՄ-ները գրել են` իբր Բելառուսում հարձակումներ են լինում ռուսների վրա: Սակայն պարզվել է, որ երկուս վիճաբանողներն էլ բելառուս են:

«Ես դա ասում եմ, որպեսզի դուք հասկանաք իմ դիրքորոշումը. մեզ հնարավոր չէ միմյանց դեմ հանել»,- նշել է  Լուկաշենկոն:

Հիշեցնենք, որ վերջին շրջանում Լուկաշենկոն մի շարք քննադատական հայտարարություններ է արել ՌԴ-ի հասցեին, մասնավորապես` նավթային ոլորտում հարկային մանևրի հետ կապված: