Մեկնարկել է ձմեռային զորակոչը

ՀՀ ՊՆ կենտրոնական հավաքակայանում այսօր մեկնարկել է ձմեռային զորակոչը: Պարտադիր ժամկետային զինվորական ծառայության են մեկնում 2019թվականի առաջին նորակոչիկները: Կենտրոնական հավաքակայանում է ԶՈւ գլխավոր շտաբի պետ Արտակ Դավթյանը:

Ձմեռային զորակոչի անցկացման կարգում լուրջ փոփոխություններ չեն կատարվել: Ինչպես նախորդ տարի, այս տարի էլ նորակոչիկները զինվորական համազգեստ կստանան հենց հավաքակայանում: Նորակոչիկների՝ զորամասը վիճակահանությամբ ընտրելու գործընթացը նախկինի պես կհեռարձակվի առցանց և ծնողներին հնարավորությունկստանան հարևան սենյակից  հետևելու դրա ընթացքին:

Հիշեցնենք, որ ավելի վաղ կառավարությունը հաստատել էր 2019 թվականի ձմեռային զորակոչ հայտարարելու և զորացրում կատարելու մասին որոշումը:

Ըստ որոշման՝ մինչև 2019 թվականի հունվարի 31-ը ներառյալ` օրենքով սահմանված ժամկետում շարքային կազմի պարտադիր զինվորական կամ այլընտրանքային զինվորական ծառայություն անցած զինծառայողները կզորացրվեն ԶՈՒ-ի շարքերից։