Զախարովան մեկնաբանել է Բակո Սահակյանի այցը Մոսկվա

Արցախի նախագահ  Բակո Սահակյանի այցը  Մոսկվա  մասնավոր այց է եղել: Այդ մասին ավանդական ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան` պատասխանելով ադրբեջանցի լրագրողի համապատասխան հարցին:

«Այդ այցը  այլ կերպ չի կարող դիտարկվել, քան մասնավոր այց: Այցի կարգավիճակն ակնհայտ է: Եվ այն, որպես մասնավոր այց,  չի հակասում ո՛չ ռուսական օրենսդրությանը, ո՛չ միջազգային պայմանավորվածություններին, ո՛չ ՌԴ-ի միջնորդական առաքելությանը ԼՂ հակամարտության կարգավորման գործում: Այդ իսկ պատճառով ռուսական կողմի հասցեին պահանջները,  որոնք հնչել են ադրբեջանական կողմի` վերջերս արված հայտարարությունում, մեր տեսանկյունից անհիմն են»,- ասել է Զախարովան:

Հիշեցնենք, որ Ադրբեջանին նյարդայնացրել էր Բակո Սահակյանի այցը Մոսկվա, և Ադրբեջանի ԱԳՆ-ն դատապարտել էր ՌԴ-ին: